Arsenal ka hedhur pas krahëve disfatën ndaj Liverpool, teksa u rikthye në rrugën e fitoreve. Topçinjtë e Londrës ia dolën me sukses në transfertën delikate të ‘Villa Park’ ku mposhtën me rezultatin 0-1 Aston Villan.
Arsenal back to winning ways 💪#AVLARS pic.twitter.com/ROO7enTqQE
— Premier League (@premierleague) March 19, 2022
Vendimtar për të besuarit e Mikel Artetës rezultoi Bukayo Saka që me finalizimin mjeshtëror të pjesës së parë i dhuroi 3 pikë mjaft të nevojshme skuadrës. Me ketë gol Arsenali bëhet skuadra e tretë në Premier League që realizon 2000 gola, teksa futet në klasën e rekordmenëve të Manchester United dhe Liverpool, që kanë përkatësisht nga 2176 dhe 2002 realizime.
🔴⚪️ @Arsenal give themselves breathing space ✨ pic.twitter.com/LGRJYJjfLl
— Premier League (@premierleague) March 19, 2022
Topçinjtë e kontrolluan plotësisht fraksionin e parë por në pjesën e mbetur lëshuan hapësirë territoriale për kundërshtarët, që i shkuan pranë barazimit me Ollie Watkins në të 68′, por goditja e tij nga një distancë e afërt u ndal nga shtylla. Tentativat e vendasve nuk munguan dhe në minutën e 96′ provoi dhe Coutinho nga goditja e dënimit, sidoqoftë, Bernd Leno ishte i vëmendshëm teksa reagoi për të bërë një pritje të shkëlqyer dhe për të mbajtur të paprekur portën e tij.
Me këtë fitore minimale, djemtë e Artetës e çojnë në 5 numrin e sukseseve radhazi në transfertë, diçka që nuk ndodhte prej vitit 2015, por më i rëndësishëm është fakti që mbeten ekipi më i avantazhuar për t’u kualifikuar në Champions League sezonin e ardhshëm, teksa renditen në vendin e 4-të me një diferencë prej 4 pikësh me ndjekësit e Man.United, ndërkohë që veniten plotësisht shpresat e Aston Villas për të arritur pozicionin më të lartë në renditjen e Premier League në dekadën e fundit.
[quiz-cat id=”297576″]