Nis me “këmbë të mbarë” aventura e Jasir Asanit në Korenë e Jugut me skuadrën e Gwuangju. Këta të fundit triumfuan me rezultatin 0-1 në ndeshjen hapëse të sezonit ndaj Suwon Bluewings teksa goli vendimtar u shënua në minutën e 88-të të ndeshjes, pikërisht nga ish-lojtari i Partizanit në Superiore.
Në këtë sfidë, sulmuesi nuk ishte preferuar titullar dhe u aktivizua në minutën e 66-të të pjesës së dytë, megjithatë gjeti mundësinë për t’u bërë protagonist teksa shënoi një gol mjaft të bukur nga një kënd shumë i vështirë. Ndërkaq, Asani nuk i rezistoi tundimit për të hequr fanellën pas realizimit të golit duke u ndëshkuar në këtë formë me kartonin e verdhë.
Lexo edhe:
- “Kështu jemi ne argjentinasit”, Lisandro Martinez: Futbolli është gjithçka, edhe fëmijë bëja sherr!
- Duel titulli, Sanchez paralajmëron PSG: Velodrome është i frikshëm!
- “Treni i fundit” për titullin, Atletico për t’i “prishur” punë Realit në derbin e Madridit
Asani u transferua në Korenë e Jugut në merkaton e janarit teksa më parë ishte pjesë e hungarezëve të Kisvarda.
