Për herë të parë në Shqipëri do të ndërtohet një pistë e denjë për sportet më të rëndësishme të botës së shpejtësisë vendase dhe jo vetëm. Auto Moto Park Albania do të jetë emri i kompleksit që do të marrë “jetë” në Elbasan teksa ditën e sotme është shpallur edhe studio fituese, e cila do të marrë përsipër ndërtimin.
Në një konkurs ndërkombëtar, në garë ishin pesë studio prestigjioze të arkitekturës teksa fituese është përzgjedhur kompania Test&Training.
Tashmë, nuk është më një çudi që një ditë në Shqipëri të organizohet edhe një prej garave në kalendarin botëror të Formula 1 teksa kjo është një ëndërr që Drejtoria e Përgjithshme e Shërbimeve të Transportit Rrugor, së shpejti mendon ta bëjë realitet.