Emocione, drithërima, betejë, shtyllë, i kuq, VAR, protesta dhe duartrokitje mes Lecces dhe Milanit në “Via del Mare”. Skuadra e Ylber Ramadanit mori një pikë pas barazimit 2-2 kundër kuqezinjve të Stefano Piolit.
Oliver Giroud kaloi Milanin në avantazh në minutën e 28’ pas asistit të Theo Hernandez. Lojtarët e “Djallit” festuan sërish shtatë minuta më vonë.
Samuel Chukwueze nisi Tijani Reijnders, i cili gjeti golin e parë në Serie A. Milani uli ritmin në fraksionin e dytë dhe vendasit përfituan.
Nicola Sansone rihapi takimin në minutën e 66’, teksa katër minuta më pas dhuroi një asist për Lameck Banda, i cili barazoi. Duke dërguar në festë të pranishmit në stadium.
Lexo edhe:
- “Një buzëqeshje dhe stadiumi tërbohej”, Pique: Ndeshjet ndaj Espanyol shijonin më shumë se ndaj Realit
- “As kartoni i verdhë nuk e ndali”, trajneri i Legias vlerëson ish-mesfushorin e Tiranës: Më lumturoi!
- Notat/ Më i miri te Atalanta, elozhe pa fund për Gjimshitin: Shumë nerv dhe prezencë në zonë
- “Duhet kujdes me Brojën”, Sylvinho: Për mua nuk ka rëndësi nëse një lojtar luan në Kore apo Shqipëri
Shtylla i mohoi golin e dytë personal Sansones gjashtë minuta nga fundi, duke shpëtuar Milanin. Oliver Giroud u ndëshkua me të kuq në minutat shtesë, ndërkohë që Roberto Piccoli realizoi një eurogol në sekondat e fundit.
Por, festa e lojtarëve dhe tifozëve nga Salento u prish nga VAR-i, me kryesorin Abisso që anuloi golin për faull ndaj mbrojtësit Thiaw.
Sfida u mbyll me protestat e Lecces, që gjithsesi u duartrokitën nga tifozët për karakterin dhe performancën fantastike kundër skuadrës nga Milano.
Ndërkohë, Milani regjistroi ndeshjen e katërt radhazi pa fitore në kampionatin italian. Dhe tani rrezikon të humbë vendin e katërt nëse Napoli fiton kundër Empolit.
