Kasimpasa-Karamguruk përfundoi në barazim 2-2, me dy golat e parë të ndeshjes së Superligës turke që u realizuan nga dy futbollistë të Kosovës.
Dueli u zhbllokua pas gjysmë ore lojë. Vendasit fituan një penallti, ekzekutimin e mori përsipër Florent Hadërgjonaj, i cili u tregua i saktë duke gjetur golin e tretë sezonal në elitën e futbollit turk.
Skuadra e Andrea Pirlos reagoi dhe riktheu baraspeshën në minutën e 51’. Ibrahim Dresevic devijoi saktë një top të ardhur nga goditja e dënimit dhe nisi festën me shokët e tij.
Ky ishte goli i parë në kampionat për mesfushorin dardan. Në divizionin e dytë, Omar Imeri, i cili u transferua në qershor nga Shkupi te Bodrumspor, ishte autori i një asisti në triumfin 1-3 të ekipit të tij përballë Malatyaspor.
