Në “El Clasico” numër 253 në histori triufon Barcelona. “Blugranat” triumfuan 2-1 në “Camp Nou” përballë rivalit historik, duke hipotekuar titullin kampion, pasi diferenca me “Los Blancos” shkon 12 pikë.
Një fitore me përmbysje e të besuarve të Xavi Hernandezit, që pësuan gol që në minutën e 10-të, pasi një devijimi fatkeq të Araujos.
Në fundin e pjesës së parë arrin të barzojë një veteran si Sergio Roberto, ndërsa në shtesë, kur të dyja skuarat po kërkonin me ngulm golin e fitores, Frank Kessie i dha goditjen përfundimtare Realit.
Ishte “El Clasico” numër 100 e fituar nga Barcelona, një më pak se Reali, ndërsa 52 të tjera kanë përfunduar pa fitues.
90+2′ – Shpërthen “Camp Nou”. Barcelona arrin ta mbyllë me gol një kundërsulm perfekt me golin e Frank Kessie-t, 2-1.
81′ – Reali arrin të shfrytëzoj më së miri një kundërsulm të shpejtë, duke shënuar me Asension, por sistem VAR e anulon për pozicion milimetrik jashtë loje.
45′- Pak para se të mbyllej pjesa e parë, vjen goli i barazimit. Pas disa përpjekjeve të njëpasnjëshme, Sergi Roberto dërgon topin në rrjetë, duke mposhtur portierin Courtois, 1-1.
10′ – Fillon zjarr “El Clasico” mes Barcelonës dhe Realit të Madridit. Pas disa rasteve të njëpasnjëshme në portën e “Los Blancos”, e pëson Barcelona, teksa një pasim i Vinicius i nisur drejt qendrës devijohet nga Araujo, duke kapur në befasi portierin Ter Stegen, 0-1.
Lexo edhe:
- Kombëtare/ Ismajli nuk ia del, Sylvinho gjen zëvendësuesin e tij në Portugali
- Rival amerikan për Kristian Prengën, SuperSport sjell përballjen e zjarrtë
- Betis “fluturon” drejt zonës Champions, Iglesias fiton duelin me Muriqin
- VIDEO/ Gol spektakolar, Bregu frymëzon përmbysjen te Boluspor
