Humbje e rëndë e Bayern Munchen në Mainz, që pritet t’i kushtojë kreun e renditjes djemve të Thomas Tuchel. Mainz triumfoi 3-1 me përmbysje, duke regjistruar suksesin e tretë radhazi në Bundesliga përballë Bayernit në “Mewa Arena”.
Sadio Mane gjeti golin pas çerek ore lojë, por VAR-i e anuloi. Sulmuesi senegalez nuk u ndal dhe shënoi sërish në minutën e 29’ pas krosimit të Joao Cancelos.
Kaq për pjesën e parë, ndërkohë që e dyta foli totalisht për vendasit, të cilët shënuan 3 herë me Ludovic Ajorque, Leandro Barreiro Martins dhe Aaron Martin.
Lexo edhe:
- Humbja e penalltisë, Giroud: E pyeta Meret pas ndeshjes nëse e dinte ku do e çoja topin
- Çmimet e biletave të finalen e Championsit, më e lira dhe më e shtrenjta
- VIDEO/ Stopim dhe rrotullim perfekt brenda zonës, Limaj gjen golin në Rumani
- VIDEO/ Legjenda e UFC përfshihet në një sherr rruge, lë pa ndjenja kundërshtarin
Bayerni mbetet në kuotën e 59 pikëve dhe mund t’i dorëzojë vendin e parë Dortmundit nëse ia del të fitojë ndaj Eintracht Frankfurt. Edhe takimet e tjera prodhuan shumë gola.
Wolfsburg dhe Koln festuan pas fitoreve 1-5 dhe 1-3 në transferta përballë Bochum dhe Hoffenheim. Ndërkohë, Werder Bremen triumfoi 2-4 në kryeqytet kundër Hertha Berlin.
