Bayern Munchen i mjaftuan 15 minuta për të thyer 3-0 Union Berlin dhe për t’iu bashkuar Dortmundit në krye të renditjes në Bundesliga.
Skuadra nga kryeqyteti rezistoi 31 minuta. Bavarezët nuk u ndalën në çerekorëshin e fundit të pjesës së parë.
Eric Maxim Choupo-Moting zhbllokoi takimin me një gol me kokë. Në minutën e 40’ erdhi dyfishimi nga ana e Kingsley Coman, i cili dribloi portierin.
Lexo edhe:
- Potter pranë shkarkimit, ja kush mund ta zëvendësojë
- VIDEO/ Vendos goli i Orsolinit, Interi bie sërish në “Dall’Ara”
- PSG preket nga “Fair Play” Financiar, treshja MNM do të “shkërmoqet” në verë
- Çinari i jep fitoren Shkëndijës, ndalet Shkupi
Francezi shfrytëzoi një asist të Thomas Muller. Ky i fundit dhuroi një tjetër pasim goli në minutën e parë shtesë të fraksionit të parë.
Jamal Musiala, golashënuesi më i mirë i skuadrës së Nagelsmann, nuk e pati të vështirë ta dërgonte në rrjetë.
Pjesa e dytë nuk solli më gola, Bayerni menaxhoi avantazhin e trefishtë dhe tani numëron 46 pikë sa Dortmundi. Union Berlin mbetet forcë e tretë e kampionatit gjerman me 43 pikë.
Skuadra e Fischer nuk humbiste në Bundesliga prej 13 nëntorit të vitit të kaluar ndaj Freiburgut. Bayerni është ngjitur në kuotën e 100 golave sezonalë, si asnjë skuadër tjetër në pesë ligat kryesore.
