Connect with us

Hi, what are you looking for?

Featured

VIDEO/ Belgjikë zhgënjyese, Maroku “fluturon” në krye të grupit F

Maroku shënoi dy gola dhe siguroi një fitore të madhe dhe tepër emocionuese 0-2 ndaj Belgjikës në duelin e dytë të grupit F në Botërorin e Katarit. Djemtë e Walid Regragui siguruan tri pikë të arta falë dy golave të realizuar në pjesën e dytë.

Hakim Ziyech, lojtari më i mirë i ndeshjes, mposhti Thibaut Courtois në minutat shtesë të pjesës së parë falë një goditjeje dënimi, por VAR-i anuloi golin. Marokenët nuk u ndalën dhe festuan 17 minuta nga fundi. Lojtari i Sampdorias, Abdelhamid Sabiri përsëriti goditjen e Ziyech te goli i anuluar.

Këtë radhë goli ishte i rregullt dhe në shkallët e “Al Thumana” nisi festa e tifozëve të zjarrtë marokenë. Roberto Martinez përdori edhe kartën Romelu Lukaku, por në minutat shtesë erdhi goli i dytë për Marokun.

Ziyech lëvizi bukur në krahun e djathtë, u fut në zonë dhe dhuroi asist për Zakaria Aboukhlal. 22-vjeçari i Toulouse tundi rrjetën kundërshtare dhe nisi festën me shokët e ekipit. Fitore e merituar dhe vendi i parë në grup për Marokun, ndërkohë që Belgjika zhgënjeu.

“Djajtë e Kuq” patën fat në takimin e parë ndaj Kanadasë, të cilin e fituan 1-0, ndërsa sot dhanë fare pak në fushë dhe u vunë në vështirësi të mëdha nga shpirti luftarak, shpejtësia dhe guximi i lojtarëve të Marokut. Belgjikën e pret finalja ndaj Kroacisë në sfidën e fundit (1 dhjetor).

Kupa e Botës
Katar 2022
Grupi F

BELGJIKË-MAROK 0-2 (Sabiri 73′, Aboukhlal 90+2′) 

Kronika e ndeshjes:

 90+2′ Maroku gjen golin e qetësisë. Hakim Ziyech protagonist në krahun e djathtë, dhuron një asist për Zakaria Aboukhlal, sulmuesi i Toulouse mposht Courtois. 

 

 90+1′ Kundërsulm i Marokut, Abderrazak Hamdallah bllokohet nga Courtois, këndore për Marokun.

 

 82′ Belgjika në kërkim të barazimit, por goditja e kokë e Jan Vertonghen përfundon ngjitur me shtyllën.

 

 73′ Lojtari i Sampdorias, Abdelhamid Sabiri zhbllokon sfidën me një gol nga goditja e dënimit. 0-1 për Marokun.

 

 65′ Provon edhe Dries Mertens, i ardhur nga stoli, Bono sërish i pakalueshëm.

 

 57′ Shans i artë për Marokun. Sofiane Boufal dhuron spektakël, pak milimetra e ndajnë nga goli.

 

 52′ Inkursion i bukur i Eden Hazard, kapiteni driblon një kundërshtar dhe gjuan fort, grushton në këndore Bono.

 

 50′ Gjuan Hakim Ziyech, pret pa probleme Thibaut Courtois.

 

 45+4′ Arbitri anulon golin pasi sheh aksionin në VAR.

 

 45+2′ Hakim Ziyech kalon Marokun në avantazh. Ndërhyn VAR-i.

 

 35′ Achraf Hakimi marshon drejt portës belge me shpejtësinë e tij, “predha” e lojtarit të PSG-së është e pasaktë.

 

 21′ Vjen sinjali i parë nga Maroku. Hakim Ziyech tenton nga larg, topi mbi tra.

 

 19′ Belgjika në sulm, tenton edhe Thomas Meunier, pret pa probleme Bono.

 

 17′ Këndorja e pestë për Belgjikën. Amadou Onana kërcen më lart se të gjithë, mesfushori i Evertonit fiton duelin ajror me portierin, por gjuajtja me kokë nuk është e saktë.

 

 6′ Goditje këndi për Belgjikën, panik në zonën marokene, mbrojtja largon në një tjetër këndore.

 

 5′ Rasti i parë i rrezikshëm për Belgjikën. Thorgan Hazard nis bukur Michy Batshuayi, ky i fundit bllokohet nga Bono, “gardiani” i Sevillas.

 

Belgjikë-Marok do të ndeshen këtë të diel për raundin e dytë të fazës së grupeve në Kupën e Botës Katar 2022. Belgët vijnë në këtë përballjes pas fitores ndaj Kanadasë dhe do tentojnë që të marrin 3 pikë edhe ndaj Marokut në mënyrë që të sigurojnë automatikisht fazën tjetër të Botërorit.

Nga ana tjetër, Maroku kërkon fitoren e parë dhe njëkohësisht mundësinë për të vijuar më tej këtë rrugëtim. Përtej dëmtimeve, ashtu edhe siç deklaroi në prag të kësaj sfide, trajneri Regragui do të aktivizojë nga minuta e parë dyshen Hakimin dhe Mazraoui.

FORMACIONET ZYRTARE

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...