“Bëmë baba të të ngjaj” është një shprehje që merr kuptim edhe në rastin e Adriano Carvalho, djali i ish-sulmuesit të njohur brazilian, Adriano Leite Ribeiro.
Vetëm 15 vjeç, Adriano Junior luan si sulmues në një ekip moshash në Rio de Janeiro, teksa së fundi ka shënuar tre gola brena një ndeshjeje, duke tërhequr vëmendjen e mediave.
Veçanërisht goli i parë ishte i jashtëzakonshëm dhe bëri shpejt xhiron e botës, teksa edhe vetë Adriano nuk ngurroi të mburrej në Instagram me realizimin spektakolar të të birit.
Dy të tjerët ishin nga ata prej sulmuesi të vërtetë pozicional, teksa në Brazil flasin me superlativa për Adriano Junior, i cili shumë shpejt mund të vijojë procesin e rritjes në Europë.