Fillon mbarë viti 2022 për Kastriotin, që mposhti 2-0 Teutën në stadiumin e Kamzës pas tre viteve. Tre pikë jetike për ekipin krutan që po lufton për të qëndruar në Abissnet Superiore, teksa Emiliano Çela shijoi suksesin e parë si trajner në debutimin e tij te Kastrioti dhe në futbollin shqiptar.
Bedri Greca zhbllokoi takimin pas çerek ore lojë, duke qenë lojtari që realizon golin e parë për vitin 2022 në elitën e futbollit shqiptar. Kampionët në fuqi u shfaqën të pafuqishëm, ndërsa Spartak Ajazi vulosi triumfin e vendasve (72’), duke dërguar topin në rrjetë një minutë pasi u fut në fushë.
Fitorja e sotme është e dyta radhazi në shtëpi dhe e ka ngjitur Kastriotin e vendit të fundit në kuotën e 11 pikëve, ndërsa skuadra e Edi Martinit regjistroi disfatën e tretë radhazi dhe të gjashtën sezonale në kampionat, dhe renditet në vend të gjashtë me 18 pikë.
Kastrioti-Teuta 2-0 (Greca 15′, Ajazi 72′)
Kronika e ndeshjes:
83′ Teuta tenton të rihapë takimin. Gjuajtje potente e Rubin Hebajt, pritje e shkëlqyer e Edmir Salit.
72′ Spartak Ajazi gjen golin një minutë pasi ishte futur në fushë. 2-0 për Kastriotin.
63′ Goditje dënimi për Kastriotin. Provon Abaz Karakaçi, por largon topin mbrojtja e Teutës.
45′ Sebino Plaku gjuan me kokë, pret pa probleme portieri Sali i Kastriotit.
42′ Hussein dhe Hebaj kapen me njëri-tjetrin, arbitri i ndëshkon të dy lojtarët me karton të verdhë.
15′ Kastrioti në avantazh. Bedri Greca lëviz bukur në krahun e majtë dhe dërgon topin në rrjetë. 1-0
1′ Nis ndeshja në Kamëz, Kastrioti pret Teutën
Formacionet:
Kastrioti(4-1-4-1): Sali, Neziri, A. Selmani, Hussein, Rami, Karakaçi, Greca, Hasani, Okebugwu, Kodra, Kaina.
Trajner: Emiljano Çela
Teuta(4-4-2): Qirko, Todorovski, Ivanovic, Aleksi, Kotobelli, E.Vila, Acquah, Daja, L.Vila, Plaku, Hebaj
Trajner: Edi Martini
