Mirlind Daku po shkëlqen në kampionatin slloven, teksa ka shënuar këtë të shtunë tregolëshin e parë me fanellën e Muras. Sulmuesi 25-vjeçar realizoi 3 gola në suksesin 4-2 të Mura ndaj Gorica, duke i dhënë skuadrës së tij 3 pikët.
Lexo edhe:
- VIDEO/ Triumfi me “manita”, Muçi gjen golin e radhës në Poloni
- Tragjedi në Juventus-Sevilla, tifozi ndërron jetë në stadium
- Rinovimi/ Takimi me presidentin, Spalletti zbulon se çfarë ndodhi
- Manchester City, ankohet Guardiola: Na “fiku” Eurovizioni!
Daku shënoi të parin në të 53-ën me një goditje të bukur brenda zone, ndërsa dy minuta më vonë shënoi dhe të dytin personal. Sulmuesi nga Gjilani realizoi në të 69-ën golin e tretë personal dhe të katërtin për ekipin e tij, duke i dhënë qetësinë skuadrës së Mura.
Pas këtyre tre golave, Daku shkon në kuotën e 18 golave në kampionat, duke iu afruar shënuesit më të mirë të kampionatit Zan Vipotnik, i cili ka shënuar 20 gola.
Daku do të tentojë që në javën e fundit të kampionatit të fitojë “Këpucën e artë” të Sllovenisë, ndonëse do të jetë një mision tepër i vështirë.
