Connect with us

Hi, what are you looking for?

Featured

VIDEO/ Derbi i Manchesterit vendoset nga Foden-Haaland, City “shkatërron” United

City “poshtëron” United në derbin e Manchesterit.

Skuadra e Pep Guardiolës fitoi the 6-3 ndaj djemve të Erik ten Hag në “Etihad Stadium”, në një sfidën që e dominuan që nga minuta e parë.

Derbi i Manchesterit mban emrat Foden-Haaland, me dyshen që realizuan secili nga tre gola. Ishte mesfushori ai i cili nisi serinë e golave, duke realizuar në minutën e 8’ dhe duke zhbllokuar sfidën, në minutën e 34’ rrugën drejt rrjetës e gjeti Haaland dhe më pas në minutën e 37’ ishte po sulmuesi që realizoi. Pjesën e parë e mbylli Foden, i cili shënoi golin e dytë personal dhe të katërtin për ekipin e Guardiolës në minutën e 44’.

Në pjesën e dytë United do të bënte disi kthesën, por pa mundur të shkonte shumë. Antony nisi serinë e golave për këtë fraksion dhe për “Djajtë e Kuq”, duke realizuar në minutën e 56’.

Ndërsa në minutën e 64’ Haaland realizoi hat-trick dhe golin e pestë për City-n, me Foden që do të finalizonte golat për ekipin e tij në minutën e 73’.

Nga ana tjetër skuadra e Ten Hag gjeti edhe dy herë të tjera rrugën drejt rrjetës duke shënuar në minutën e 84’ Martial, ndërsa në minutën e 90+1’ ishte po ai që do të shënonte, por këtë herë nga pika e bardhë e penalltisë.

Pas mbylljes së raundit të nëntë të Premier League, Manchester City renditet në vend të dytë me 20 pikë, një më pak se Arsenal i vendit të parë, ndërsa Manchester United renditet në vend të gjashtë me 12 pikë.

Manchester City-Manchester United (6-3)

(Foden 08′   Haaland 34′   Haaland 37′   Foden 44′   Haaland 64′   Foden 73’/ Antony 56′   Martial 84′  Martial 91′ pen)

Premier League java 9 

91’-Goool! Pas një ndërhyrje të gabuar nga Cancelo, United fiton penallti që ekzekutohet me sukses nga Martial.

84’-Goool! Pas një goditje nga Fred, Martial merr topin dhe e dërgon në rrjetë, duke realizuar golin e dytë për Manchester United.

73’-Gool! Pas një asisti nga Erling Haaland, Phil Foden realizon golin e gjashtë për City-n dhe të tretin personal.

 

 

64’-Goool! Pas një aksioni në zonë, Haaland e dërgon topin në rrjetë dhe e thellon avantazhin e City-t.

56’-Goool! Manchester United realizon golin e parë, Antony e çon topin në rrjetë me një super goditje.

Nis pjesa e dytë e derbit City-United, “Djajtë e Kuq” kërkojnë të evitojnë “katastrofën”.

Mbyllet me rezultatin 4-0 derbi i Manchesterit City-United.

44’-Goool! City turpëron United, Foden i dhuron “poker” ekipit.

37’-Gooool! Super Haaland, pas një asisti nga De Bruyne, norvegjezi e dërgon topin në rrjetë.

34’-Goool! Manchester City merr golin e dytë, pas një goditjeje nga këndi, Haaland e dërgon topin me kokë përtej vijës fatale dhe thellon avantazhin.

31’-Skuadra e City-t kërcënon pa ndalur portën e De Geas, sulmet nisin me Grealish, për t’u mbyllur me super goditjen e De Bruyne, por pa mundur ta finalizojnë në gol.

21’-Manchester City pranë golit të dytë, por Foden e humbet një rast shumë të mirë.

18’-Gundogan merr përsipër gjuajtjen e goditjes së dënimit, por është i pafat dhe e dërgon topin në shtyllë.

15’-Rasti i parë për United, pasi afrohet në zonë Sancho ia kalon topin Eriksen, por danezi nuk ia del të bëjë një gjuajtje të mirë.

08’-Goool! Çfarë aksioni nga ana e Manchester City-t, Phil Foden dërgon top[in në rrjetë me shumë ftohtësi.

03’- City shumë pranë golit, skuadra e Guardiolës tenton të shënojë gjatë rrëmujës në zonë, por ndalet nga De Gea dhe mbrojtja e United.

02’-Ndërhyrje e gabuar ndaj Grealish, Dalot ndëshkohet me karton të verdhë.

Nis derbi i Manchesterit në “Etihad Stadium”.

Formacionet zyrtare:

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...