Aventura e Antonio Contes në krye të pankinës së Tottenham ka marrë fund.
Sipas raportimeve të medieve italiane palët kanë vendosur ndarjen, e cila pritet të zyrtarizohet gjatë kësaj jave.
Pas “shpërthimit” të trajnerit të shtunën e kaluar për barazimin ndaj Southampton, me Conten që akuzoi lojtarët për mungesën e rezultatet, “divorci” u përshpejtua, me pronarin Levy që kërkoi largimin e teknikut italian.
Trajneri, kontrata e të cilit skadoi më 30 qershor, kishte shprehur tashmë vullnetin për të mos rinovuar me “Spurs” dhe kështu drejtuesit londinez vendosën që ta mbyllin më herët këtë çështje.
Lexo edhe:
- Cikalleshi: Ndeshja më e vështirë me Poloninë, të mësojmë nga e shkuara
- “Pse sheh?” Mourinho sherr me presidentin e Lazios, Lotito: Po ti kush je?
- Ish-arbitri sulmon VAR-in: Vendosi ndeshjen Inter-Juve, duhet të mbajnë përgjegjësi
- “Xhaka është treguar fenomenal”, Arteta: I thashë se do të shënonte
Levy ndoshta e ka kuptuar se përçarja trajner-skuadër ishte e pariparueshme dhe ka vendosur të nxitojë për të luftuar për vendin e katërt në renditjen e Premier League, vendi i fundit i vlefshëm për kualifikimin në Champions League.
Conte, pasi i dha dy ditë pushim skuadrës, u kthye në Itali për t’u bashkuar me familjen e tij dhe në këtë pikë ai do të kthehet në Londër vetëm për të zbrazur dollapin dhe për t’i thënë lamtumirë lojtarëve dhe punonjësve të Tottenham.
