Bayerni i Mynihut triumfon me rezultatin e thellë 5-3 ndaj Augsburgut dhe shkëputet i vetëm në krye të renditjes, në pritje të derbit të Ruhrit mes Schalkes dhe Dortmundit.
Në “Allianz Arena” festivali i golave nisi nga këmbët e shqiptarit Mërgim Berisha, që mposhti Sommerin që në minutën e dytë, megjithatë ky ishte vetëm një iluzion për Augsburgun.
Kjo pasi bavarezët reaguan shpejt dhe shënuan golin e barazimit me Cancelon, ndërsa më pas ishte Benjamin Pavard që shënoi dy herë, para se Sane të çonte shifrat në 4-1, në fundin e pjesës së parë.
Lexo edhe:
- Trajneri veteran spanjoll: 17 vjeç, pasues i Messit?! Barcelona e trajtoi keq Ansu Fatin
- “Nuk do luajmë me frena dore”, Xavi: Ndaj Bilbaos si një finale, dua titullin
- “20 gota alkool një natë para ndeshjes”, Nainngolan: Nuk mund të heq dorë nga jeta!
- Përplasja Deschamps-Benzema, sulmuesi e quan trajnerin kloun
Në të dytën Berisha shënoi sërish, këtë herë me penallti, ndërsa Anthony Davies shënoi të pestin për bavarezët dhe në shtesë, Cardona shënoi edhe të tretin për Augsburgun.
Rigjen fitoren Leipzigu, që triumfoi me rezultatin e pastër 3-0 ndaj Borussia Monchengladbach. Pas një pjese të parë pa gola, miqtë patën mundësinë të kalojnë në avantazh, por Plea humbi një penallti në të 53-tën.
Më pas nisi spektakli i vendasve, që shënuan me Werner, Forsberg e Gvardiol tre gola për po kaq pikë, duke parakaluar Unionin e Berlinit në renditje.
Në sfidat e tjera, Eintracht Frankfurt nuk shkoi dot përtej barazimit 1-1 me Stuttgart, ndërsa i njëjti rezultat u vendos edhe në përballjen Hertha Berlin-Mainz.
