Connect with us

Hi, what are you looking for?

Featured

VIDEO/ Dopio-Lautaro dhe Gosens, Inter tregon forcën ndaj Milanit

Inter tregon forcën në derbin e Kupës së Italisë ndaj Milanit dhe ia del të fitojë me rezultatin e pastër 3-0, duke siguruar kështu kalimin për në finale, pasi ndeshja e parë ishte mbyllur në barazim pa gola.

Nën një atmosferë të jashtëzakonshme, të krijuar nga mbi 75 mijë tifozë në shkallët e “San Siros”, zikaltrit morën kontrollin e lojës që në minutën e tretë, duke shënuar një supergol me Lautaro Martinez, si për të treguar se e kanë seriozisht dhe duan patjetër finalen e Kupës.

Milani provoi të reagojë, por në disa tentativa të Leaos, gjeti gatishmërinë e Handanovic, teksa pikërisht nga një pritje e portierit zikaltër, nisi aksioni i golit të dytë, që ishte një “tango argjentinase” me Correan që asistoi për Lautaro Martinez, i cili mposhti për herë të dytë Mike Maignan.

Pjesa e dytë nisi sërish me dëshirë më të madhe nga ana e Milanit, që gjithsesi nuk u konkretizua në raste, pasi zikaltrit ishin vendosur mirë në prapavijë dhe nuk lejonin hapësira për kuqezinjtë.

Në minutën e 67’ Mehdi Bennacer lëshoi një goditej nga distanca dhe dërgoi topin në rrjetë, por festa u ndërpre shpejt nga VAR-i, që sinjalizoi një pozicion jashtë loje të Kalulu, i cili nuk preku topin, por ishte vendosur para portierit të Interit, duke i zënë rrezen.

Për të vulosur kalimin në finale, duhej edhe një gol i tretë, që erdhi pikërisht në minutën e 82-të, me një aksion mjaft të bukur të Vidal, që shërbeu për Brozovic, i cili ktheu menjëherë në qendër, aty ku Robin Gosens e kishte të lehtë ta devijojë drejt rrjetës.

Goli i parë me fanellën zikaltër për gjermanin, që vjen pikërisht në derbin ndaj Milanit dhe vulos kalimin në finalen e Kupës së Italisë për Interin, që do të përballet me të kualifikuarën e çiftit Juventus-Fiorentina, takim që do të luhet nesër në orën 21:00.

Inter-Milan 3-0  Lautaro 3′, 40′, Gosens 82′ (SuperSport 2)

82′ – Goooool! Aksion model i Interit, me Vidal qe asiston me zgjuarsi Brozovicin dhe ky i fundit fton Gosensin, që thuajse mbi vijën fatale shtyn topin në rrjetë.

 

67′ – Bennacer shënon pas zhvillimeve të një këndoreje, por goli anulohet për pozicion jashtë loje të Kalulu, që edhe pse pasiv, është në rreze të portierit.

52′ – Lautaro Martinez pranë golit të tretë personal, pret në pozicion Maignan.

40′ – Gooool! Asist perfekt i Correas për Lautaron, që përballë Maignan e çon për herë të dytë topin në rrjetë, 2-0, festë zikaltër në “San Siro”.

38′ – Ndërhyrje vendimtare e Skriniarit dhe Perisicit, pranë golit kuqezinjtë.

31′ – Sërish i pakalueshëm Handanovic, që nul lejon Saelemaekers të shënojë.

28′ – Bën mrekullinë Handanovic pas goditjes së Leaos nga një distancë e afërt. Topi i devijuar nga slloveni tundi rrjetën e jashtme.

12′ –  Frank Kessie tenton prirët me portën, vetëm rrjetë e jashtme.

4′ – Goooooooool!Vetëm tre minuta lojë reziston Milani. Lautaro Martinez realizon një gol fantastik, fluturimthi, pas asistit të marrë nga Darmian, 1-0.

1′ – Starton derbi i Milanos.

 

Formacionet zyrtare:

 

Lajme të tjera

Kategoria Superiore

Xhuliano Skuka nis aventurën e re në Francë, ku do të jetë pjesë e Metz. Sulmuesi dibran kaloi me sukses testet mjekësore mëngjesin e...

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Premier League

Dëmtimi i Virgil Van Dijk është padyshim një lajm i keq për Jurgen Klopp, që sheh Liverpoolin e tij këtë sezon, shumë larg formës...

Francë

Transferimi i Xhuliano Skukës te Metz ishte padyshim më i bujshmi i këtyre viteve të fundit. Më i shtrenjti në historinë e kampionatit shqiptar....