Tottenham mori një fitore të pastër 3-0 pasditen e djeshme ndaj Norwich, megjithatë ai që tërhoqi më shumë vëmendjen nga kjo përballje, ishte padyshim goli i fantazistit brazilian Lucas Moura.
Futbollisti 29-vjeçar, i cili është shndërruar në titullar me ardhjen e Antonio Contes në stol, shënoi një gol spektakolar në minutën e 10’ të ndeshjes, duke i hapur udhë suksesit të “Spurs”-ave.
Lucas Moura mori topin në gjysmëfushën kundërshtare, dribloi bukur një kundërshtar, kombinoi me Son Hueng-Min dhe më pas mbajti sërish topin mes fanellave të Norwich, para se të lëshonte një silurë nga distanca, duke e dërguar sferën në trekëndësh.
Ndiqni videon e mëposhtme, për të shijuar golin e Lucas Mouras nga disa kënde të ndryshme…