Eduart Rroca dhe Jetmir Topalli po mbajnë “gjallë” Istanbulsporin në Kupën e Turqisë. Skuadra e “bandës së shqiptarëve”, e ka mbyllur në barazim 2-2 kohën e rregullt kundër Etimesgut.
Ekipi mik e mbylli pjesën e parë në disavantazh të dyfishtë, por dy lojtarët shqiptare realizuan brenda katër minutave, duke evituar humbjen dhe eliminimin.
Topalli shkurtoi rezultatin me golin e realizuar në minutën e 71’ pas asistit të Rrocës. Ky ishte goli i pestë sezonal me Istanbulsporin për 24-vjeçarin e përfaqësueses së Kosovës.
Katër minuta më vonë erdhi edhe goli i kapitenit Rroca, i cili dribloi edhe portierin kundërshtar përpara se të dërgonte topin në rrjetë, duke dërguar sfidën në shtesa. 29-vjeçari gjeti golin e dytë sezonal.
