Bundesliga

VIDEO/ Dy gola të bukur për një pikë, “paqe” në Stuttgart-Leipzig

Përfundon në barazim 1-1 ndeshja Stuttgart-Leipzig. Dy gola të bukur u shënuan në “Mercedes-Benz Arena”, ndërkohë që dy skuadrat e filluan sezonin e ri në Bundesliga me nga një pikë.

Sfida u zhbllokua shpejt. Leipzigu kaloi në avantazh në minutën e nëntë falë një diagonaleje të saktë të Christopher Nkunku. Vendasit reaguan dhe rikthyen baraspeshën pas gjysmë ore lojë.

Aksion i bukur i Stuttgartit dhe finalizim fantastik i 20-vjeçarit Naouirou Ahamada, i cili gjeti cepin e portës së ekipit kundërshtar dhe dërgoi në festë tifozët e zjarrtë të Stuttgartit.

 

Pjesa e dytë foli për Leipzigun, që iu afrua golit të fitores me anë të Nkunkut, ndërkohë që vendasit pretenduan për një penallti. VAR-i ndërhyri, por nuk e cilësoi të parregullt ndërhyrjen ndaj Thomas.

Performancë pozitive zhvilloi në pjesën e dytë portieri i Stuttgartit. Florian Müller u shfaq vendimtar në disa raste duke evituar humbjen e ekipit të tij.

 

Përfundimisht 1-1 dhe nga një pikë për dy skuadrat. Leipzigu luan takimin e radhës në shtëpi përballë Koln, ndërkohë që pritet rikthimi i Timo Ëerner nga Chelsea.

TESTONI NJOHURITË TUAJA RRETH PREMIER LEAGUE

QUIZ/ Premier League 2021-2022 – Sa mirë e kujtoni sezonin që sapo u mbyll?

Të Fundit

EVENTET NË SUPERSPORT

To Top
Evolve Web Agency Evolve Web Agency