Kolni arriti një fitore jetike në Çeki përballë Slovackos, duke mbetur në garë për t’u kualifikuar në Conference League. Mjegulla e dendur shtyu takimin që ishte programuar të luhej të enjten në mbrëmje.
Përballja u zhvillua sot dhe u vendos nga Ondrej Duda tetë minuta përpara fundit. Lojtari sllovak ktheu në gol një penallti dhe i dhuroi Kolnit tri pikë shumë të rëndësishme.
Miqtë mund ta kishin zhbllokuar ndeshjen më herët, por Florian Kainz gaboi nga pika e bardhë e penalltisë në minutën e 51-të. Kolni është ngjitur në kuotën e shtatë pikëve në grupin D.
Në krye renditen Nice dhe Partizani i Beogradit me nga tetë pikë. Koln luan sfidën e fundit në grup në shtëpi ndaj francezëve të Nice, përballje ku vlen vetëm fitorja për të vijuar aventurën europiane.
