Rikthehet Roma. Skuadra e Jose Mourinhos shkatërroi 7-0 Empolin në “Olimpico”, në një ndeshje perfekte. Ku nuk munguan eurogolat. Ky ishte suksesi më i thellë i verdhekuqve në drejtimin e “Special One”.
Minuta e parë, sulmi i parë i vendasve dhe penallti. E shkaktuar nga prekja me dorë e mbrojtësit polak Sebastian Walukiewicz.
Ekzekutimin e mori përsipër Paulo Dybala, i cili ia doli të shënonte përballë Etrit Berishës.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Vendasit në avantazh, dhe goli i parë sezonal në Serie A për argjentinasin, i cili nuk u ndal me kaq.
Goli çliroi Romën, që gjeti edhe golin e dytë në minutën e tetë. Me anë të Renato Sanches, i cili shijoi golin e parë në Serie A.
Ndërkohë, Ardian Ismajli (u fut në pjesën e dytë) dhe Stiven Shpendi ishin në stol në këtë ndeshje për Empolin. Skuadër që e ka filluar shumë keq sezonin aktual në kampionatin italian.
Roma iu afrua golit të tretë në minutën e 19′. Leandro Paredes provoi eurogolin nga goditja e këndit, por traversa shpëtoi Berishën.
Ndërkohë që Roma kaloi në fundin e pjesës së parë në avantazh të trefishtë falë autogolit të Alberto Grassit.
Kaq për 45 minutat e para, teksa Dybala shënoi të dytin personal dhe të katërtin për skuadrën e Jose Mourinhos në minutën e 55′. Falë një finalizimi plot klas.
Traversa i mohon tripletën 29-vjeçarit, teksa Empoli goditi shtyllën me anë të Baldanzit. Goli i pestë për Romën erdhi në minutën e 80′.
Moment kur Bryan Cristante dhuroi “show” me një goditje të mrekullueshme. Më pas radha e Romelu Lukakut, i cili shijoi golin e parë si verdhekuq.
Në fund pati festë edhe për mbrojtësin Gianluca Mancini, i cili kompletoi fitoren 7-0 të Romës. Ndërkohë që Empoli përjetoi një mbrëmje “horror” në kryeqytetin italian.
