Një episod i turpshëm ka ndodhur në futbollin brazilian. Fundi i pjesës së parë midis Desportiva Ferroviaria dhe Nova Venecia, e vlefshme për çerekfinalet e Campeonato Capixaba.
Trajneri i skuadrës vendase, Rafael Soriano u zemërua nga fakti që arbitri vërshëlleu fundin e pjesës së parë, duke mos lënë ekzekutimin e një goditje këndi për ekipin e tij. Protestat ndaj arbitrit kryesor nuk munguan, teksa trajneri brazilian humbi toruan duke goditur me kokë gjyqtaren anësore.
Karton i kuq i menjëhershëm për teknikun e Desportiva Ferroviarias, i cili gjeti një justifikim absurd në fund të ndeshjes: ”Ajo thjesht po tenton të përfitojë nga situata, vetëm sepse është grua. Në fillim nisi të shtynte lojtarët e skuadrës time, më pas bëri viktimën duke u ankuar se ishte sulmuar nga unë… “
