Ernest Muçi gjen golin e parë për vitin 2023 dhe të tretin sezonal në Ekstraklasa me Legian e Varshavës. Skuadra kryeqytetase fitoi 1-2 në fushën e Zaglebies.
Sulmuesi i kombëtares shqiptare, tundi rrjetën kundërshtare në minutën e 59’, duke kaluar Legian në avantazh të dyfishtë. 21-vjeçari nga Tirana devijoi saktë një goditje dënimi.
Ndeshja e Muçit zgjati 78 minuta, ndërkohë që Jurgen Çelhaka, shqiptari tjetër i Legias, e ndoqi gjithë takimin nga pankina.
Me suksesin e arritur në transfertë, Legia është ngjitur në kuotën e 38 pikëve në vendin e dytë të kampionatit polak, shtatë pikë më pak se kryesuesit e Rakow.
