Një eurogol ka zhbllokuar takimin Leipzig-Atalanta. Dy skuadrat po përballën në “Red Bull Arena” në çerekfinalen e parë të Europa League.
Minuta e 17-të e derbit italo-gjerman, Luis Muriel kreu një driblim të dyfishtë dhe nga e majta dërgoi topin në trekëndëshin e portës gjermane.
Gol fantastik i sulmuesit kolumbian, “predha” e të cilit shtangu “gardianin” hungarez Peter Gulacsi. Zikaltrit italianë iu afruan edhe golit të dytë në minutën e 20-të.
Sërish Muriel protagonist në krahun e majtë, por diagonalja e 30-vjeçarit kaloi ngjitur me shtyllën e nënkampionëve të Gjermanisë.
Vendasit reaguan, por u ndalën nga shtylla në minutën e 24-t. Portugezi Andre Silva pati një mundësi të mirë për të rikthyer baraspeshën, por nuk ia doli dot të dërgonte topin në rrjetë.
Berat Gjimshiti është një nga mungesat e Atalantës në këtë ndeshje. Mbrojtësi i kombëtares shqiptare pësoi një dëmtim në shpatull në fundjavë kunbdër Napolit dhe do të qëndrojë rreth 1 muaj jashtë.