Robin Krasniqi realizoi ëndrrën e tij për të boksuar dhe për të fituar në Prishtinë. “Luftëtari” nga Juniku u ndesh me francezin Nadjib Mohammedi në një duel për peshat gjysmë të rënda në WBC.
36-vjeçari shqiptar triumfoi pas skualifikimit të boksierit kundërshtar në raundin e nëntë. Krasniqi nuk e fshehu gëzimin e tij të madh për këtë fitore të veçantë.
Duke theksuar se ishte një mbrëmje e çmendur dhe emocionuese në stadiumin “Fadil Vokrri”, që do e mbajë gjatë në memorien e tij.
Lexo edhe:
- Manchester City prezanton mbrojtësin më të shtrenjtë në histori
- Falcao rrezikon burgun, jep dorëheqjen nga Santosi
- Napoli gjen pasuesin e Kim, gati firma me mbrojtësin brazilian
- Atalanta fiton garën me Interin, gati firma me sulmuesin italian
“Faleminderit populli im, faleminderit Prishtinë, faleminderit Kosovë, për gjithë këtë përkrahje tuajën.
Jam shumë i emocionuar dhe i gëzuar, fillimisht nga realizimi i ëndrrës sime për të boksuar para jush. Edhe më me fitoren e sotme timen dhe tuajën gjithashtu.
Falënderoj çdo ekip e person të angazhuar në këtë mega projekt timin.
I juaji, Robin Krasniqi”, shkroi në faqen e tij zyrtare pas fitores.
