Një penallti ka zhbllokuar takimin Atalanta-Inter. Duvan Zapata u pengua në zonën kundërshtare nga holandezi De Vrij, kontakt të cilin arbitri Daniele Chiffi e cilësoi të parregullt.
Ekzekutimin e penalltisë e mori përsipër Ademola Lookman. Sulmuesi nigerian gjuajti saktë në minutën e 25’ dhe kaloi ekipin bergamask në avantazh.
Festa e tifozëve vendas zgjati vetëm 11 minuta, pasi skuadra e Simone Inzaghit gjeti golin e barazimit me anë të Edin Dzekos.
Sulmuesi boshnjak dërgoi në rrjetë një devijim me kokë të Lautaro Martinez, duke gjetur golin e pestë sezonal në Serie A me zikaltrit.
Berat Gjimshiti për vendasit dhe Kristjan Asllani për nënkampionët e Italisë, po e ndjekin këtë ndeshje nga pankinat respektive.