Kanë filluar tetë sfidat e para të kthimit në raundin e 1/8-ve në Europa League dhe Conference League. Barcelona po luan në Stamboll përballë Galatasarayt.
Sfida e parë nuk prodhoi asnjë gol dhe dy ekipet po luftojnë fort për një biletë në çerekfinalet e Europa League. Gomis dhe Babel kërcënuan për vendasit, ndërsa ekipi katalanas kishte mundësinë më të mirë.
Minuta e dhjetë, aksion shumë i bukur i Barcelonës, Frenkie De Jong doli i vetëm përballë spanjollit Pena, duke dërguar topin jashtë kuadratit.
Galatasaray reagoi dhe kaloi në avantazh në minutën e 28-të. Krosim i Alexandru Cicaldau nga këndorja dhe gol me kokë i brazilianit Marcao, i cili i mori kohën Ferran Torresit, duke dërguar në ekstazë tifozët e zjarrtë turq.
Barcelona nuk e humbi toruan dhe gjeti golin e barazimit me anë të Pedrit. Talenti i mesfushës katalanase dhuroi “show” në minutën e 38-të, kreu dy driblime të mrekullueshme në zonë dhe barazoi shifrat, duke sjellë çlirimin e trajnerit Xavi.
Rennes-Leicester City është një nga përballjet më të forta në Conference League. “Dhelprat” fituan 2-0 takimin e luajtur në Angli, ndërsa në Francë po zhvillohet një duel i fortë.
Benjamin Bourigeaud finalizoi një aksion të bukur të Rennes në minutën e tetë, vendasit në avantazh dhe tifozët në festë. Vendasve u duhet edhe një gol për të dërguar takimin në minutat shtesë.
[quiz-cat id=”297576″]