Skuadra kilene e Universidad de Chile ka siguruar mbijetesën në mënyrën më dramatike të mundshme, pasi deri në minutën e 94-t ishte në zonën e rënies, por bëri përmbysjen e madhe.
Për të kuptuar situatën më mirë, Universidad de Chile është një nga skuadrat më të njohura në Kili dhe vëmendja e gjithë vendit ishte pikërisht te ndeshja e saj, pasi rënia nga kategoria shihej si diçka madhore, që kishte ndodhur vetëm një herë në histori, rreth 32 vite më parë.
Deri në minutën e 94-t, Universidad de Chile ishte duke humbur 1-2 ndaj Union la Calera dhe për të shkuar në Play Off kishte nevojë për të paktën një pikë, megjithatë në fund ndodhi mrekullia.
Fillimisht ishte Arias që shënoi golin e barazimit dhe më pas Junior Fernandes shënoi golin e fitores, duke siguruar mbijetesën në elitë të një prej klubeve më me histori në futbollin kilen, ku luan edhe ish sulmuesi i Cagliarit, Joacquin Larrivey.