Falë fitores me rezultatin 2-0 ndaj Renovës, Shkupi shpallet matematikisht kampione e Maqedonisë së Veriut teksa dy gola në dhjetë minutat e fundit të ndeshjes bënë që titulli të mbërrijë në Çair dy dekada më vonë.
Këtë sezon, skuadra shqiptare ka shkëlqyer në performancat e saj dhe ka dominuar në Maqedoni duke lënë pas rivale si Shkëndija e Tetovës dhe Akademija Pandev, ndërsa aktualisht është në kuotën e 71 pikëve.
Menjëherë pas përfundimit të ndeshjes ndaj Renovës, skuadra festoi këtë rezultat të madh me tifozerinë e saj Shvercerat të cilët gjithnjë i kanë qëndruar pranë skuadrës edhe në momentet më të vështira.