Trabzonspori është rikthyer të fitojë titullin kampion në Turqi, pas plot 38 vitesh mungesë dhe tifozët e kanë festuar në një mënyrë vërtetë spektakolare, teksa videot po bëjnë xhiron e botës në rrjetet sociale.
Menjëherë pas vërshëllimës finale në ndeshjen ndaj Antalyasporit, ku edhe fituan titullin matematikisht, tifozët e Trabzonsporit pushtuan fushën në mënyrë të jashtëzakonshme, ndërsa më pas festa vijoi gjatë dhe me një organizim spektakolar në rrugët e qytetit.
Skuadra nga Trabzoni është themeluar më 1967-ën dhe ka një histori mjaft interesante, pasi u bë i pari klub me qendër jashtë Stambollit, që fiton titullin kampion, teksa deri më 1984-ën e kishe fituar plot 6 herë kampionatin.
Fanellën e Trabzonspor e ka veshur edhe ish sulmuesi i kombëtares shqiptare, Alban Bushi në vitin 2001-2003, i cili ka lënë kujtime mjaft të mira në klubin turk.