Në “Santiago Bernabeu”, Real Madrid dhe Manchester City dhuruan spektakël, me takimin e parë gjysmëfinal të UEFA Champions League, që nuk prodhoi fitues dhe u mbyll në barazim 1-1.
Në fraksionin hapës, pavarësisht dominimit territorial të Man. City, me skuadrën e Guardiolës që kishte kontrollin e topit, madrilenët e mbyllën në avantazh.
Lexo edhe:
- Rrezikojnë rrëzimin nga Ligue 1, Nante shkarkon trajnerin Kombouare/ Ja kush e zëvendëson
- “Air Albania” e lirë vetëm më 19 maj, finalja e Kupës së Greqisë mund të zhvillohet në Poloni
- Vendimet e Disiplinës, e pëson mbrojtësi i Tiranës. Pezullohet për pesë ndeshje
- Rikthehet dueli Messi-Ronaldo në një tjetër kontinent, në Francë e bëjnë fakt të kryer
Benzema me shokë krijuan pak raste përpara golit, ndërsa i asistuar nga Camavinga, braziliani Vinicius Junior realizoi një perlë nga distanca, në minutën e 36′ duke çuar në delir vendasit.
1-0 dhe kështu u mbyll pjesa e parë, ndërsa në 45 minutat e dyta, anglezët u shfaqën sërish dominues, por edhe më agresivë.
Në minutën e 67′ De Bruyne realizoi golin e barazimit, me një goditje të fortë nga distanca.
Një gol që ndezi akoma edhe më shumë takimin, me skuadrat që provuan manovrat e tyre sulmuese, por pa sukses.
1-1 dhe gjithçka mbetet e hapur për ndeshjen e kthimit, e cila do të luhet pas një jave, të mërkurën e 17 majit në “Etihad”.
