Juventus ka triumfuar me shumë fat në gjysmëfinalet e Kupës së Italisë teksa e gjetën rrugën e rrjetës vetëm në minutën e 92, pas një autogoli të Venutit, i cili nuk largoi siç duhej një harkim të Cuadrados.
Bardhezinjtë nuk ia dolën të prodhonin shumë gjatë 90-minutëshit, teksa Dusan Vlahovic u bllokua më së miri nga ish-shokët e skuadrës së tij, ndërsa tifozët vjollcë e fishkëllyen përgjatë gjithë takimit duke mos ia falur transferimin në Torino.
Kështu, Juventus e nis me një avantazh të rëndësishëm ndeshjen e radhës e cila është parashikuar të luhet më datë 20 prill.