Pasi siguroi të enjten finalen e Conference League, West Ham festoi edhe në kampionat. Skuadra londineze triumfoi 3-1 me përmbysje ndaj Leeds United, duke siguruar zyrtarisht qëndrimin në Premier League.
Skuadra udhëtuese kaloi në avantazh me anë të spanjollit Rodrigo (17’), por West Ham riktheu baraspeshën pas gjysmë ore lojë falë kapitenit Declan Rice.
Lexo edhe:
- Ballkani zyrtarisht kampion i Kosovës, shpërthen festa në Therandë
- CR7 sërish në një klub europian? Një kompani e bën të mundur dhe ia ofron skuadrës gjermane
- VIDEO/ Dhimbje dhe lot në kryeqytet, skuadra historike bie nga kategoria
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
Goli i avantazhit për vendasit erdhi nga Jarrod Bowen (72’). Në minutat shtesë, Manuel Lanzini realizoi golin e qetësisë për skuadrën e tij.
Fitore me rëndësi për skuadrën e David Moyes, ndërkohë që Leedsi i Allardyce mbetet në zonën e ftohtë.
West Ham do të përballet me Fiorentinën në finalen e madhe të Conference League. Sfida do të zhvillohet në muajin qershor (7) dhe do të transmetohet në SuperSport.
