Tottenham i Antonio Contes ka nisur nga puna për sezonin e ri teksa skuadra po kryen fazën përgatitore në Korenë e Jugut. Krahas përgatitjeve me një ritëm tejet të larta, Spurs kanë nisur edhe turin e miqësoreve teksa së fundmi kanë zbritur në fushë për përballjen me një skuadër të përbërë nga futbollistë të Ligës A në Korenë e Jugut, e quajtur Team K League.
Londinezët triumfuan me rezultatin 6-3 ndërsa një nga momentet të cilat bëri më shumë bujë ishte gafa e Emerson Royal. Ky i fundit gaboi nga fare pranë me portën e boshatisur ndërsa syve nuk mundi t’i besonte edhe shoku i skuadrës, Romero.
Mbrojtësi argjentinas madje nuk e fshehu zhgënjimin për gafën e Emerson, teksa kamerat e fokusuan pikërisht këtë çast. Gjithsesi, për Romeron ishte thjesht një frustrim i momentit pasi bëhet fjalë për ndeshje miqësore rezultati i të cilave në fund vlen shumë pak.
