Edvan Bakaj do ta mbajë mend gjatë “gafën” në sfidën me Teutën, pasi pikërisht ky gabim i tij anoi përfundimisht peshoren e rezultatit në favor të “Djemve të Detit”.
Një grushtim i tillë nuk mund të bëhet në nivelet e larta të futbollit, por ja që i ndodhi “gardianit” të bluve të kryeqytetit. Deri në ato momente, ai ishte pa dyshim më i miri në fushë nga të besuarit e Shkëmbit, pasi ishte shfaqur vendimtar me disa pritje. Fatkeqësisht, kur e humb një ndeshje, nuk të mbeten në kujtesë pritjet, por gabimet që ke bërë.