Një gjest i rrallë “fair-play” ka ndodhur në futbollin rumun. Sepsi fitoi 2-0 ndaj Petrolulit falë dygolëshit të “veteranit” Mario Rondon (16’, 56’). Në minutat shtesë të pjesës së parë, ekipi vendas kishte një mundësi tepër të mirë për të dyfishuar.
Gjatë një krosimi nga krahu i majtë u dëmtua portieri i Petrolulit, Octavian Valceanu. Lojtari i Sepsit, Cosmin Matei e pati tepër të thjeshtë të dërgonte topin në rrjetë, por ai nuk mund të shënonte në kushte të tilla.
31-vjeçari rumun, i cili ka provuar të veshë edhe fanellën e Kombëtares vite më parë, pa dëmtimin e portierit kundërshtar, ndali lojën dhe dërgoi topin jashtë, veprim që u duartrokit dhe u vlerësua nga lojtarët dhe tifozët.
