Kristian Prenga ka arritur që të fitojë me KO për të 13-ën herë në boksin profesionist duke mundur që në raundin e tretë Samuel Crossed. Në ndeshjen e zhvilluar në Atlantic City, boksieri nga Mirdita që në sekondat e para të raundit të tretë arriti që të shtrijë në tapet amerikanin, duke arritur që të ngrejë lart dy tituj kampion bote.
Lexo edhe:
- Rregullat e reja të penalltisë, ironizon Maignan: Nga 2026 portierët do qëndrojnë me shpinë
- Euro2024/ Italia kërkon pikët e para, Anglia dhe Portugalia luajnë për vazhdueshmërinë
- Maroku tregon forcën edhe ndaj Brazilit, afrikano-veriorët triumfojnë në miqësore
- Nagelsmann pasuesi i Ancelotti-t? Perez e dëshiron prej kohësh
Në një atmosferë fantastike, ku Prenga kishte përzgjedhur që të shoqërohej nën tingujt e muzikës shqiptare ai ngriti lart dy brezat e MBA dhe WBA në peshën e tij, duke bërë krenar të gjithë të pranishmit që i ishin bashkuar në këtë sfidë shumë të rëndësishme.
“Luftëtari” kuqezi ishte dominues edhe në dy raundet e para, por kundërshtari nuk pati më rezistencë për të vijuar duelin, duke i dhënë kënaqësinë e një tjetër fitoreje me “knock out” Prengës, i cili tashmë ka udhën e hapur për të tjera suksese në boksin profesionist.
