Ernest Muçi konfirmohet protagonist te Legia e Varshavës, teksa mbrëmjen e së shtunës ka gjetur një tjetër gol, duke i dhënë një pikë skuadrës së tij në transfertën ndaj Piast Gliwice.
Legia luajti me 10 futbollistë që prej minutës së 42-të, ndërsa në shtesën e pjesës së parë e pa veten në disavantazh, çka e komplikoi edhe më shumë takimin.
Megjithatë për të vendosur baraspeshën mendoi sulmuesi i kombëtares së Shqipërisë, i cili shënoi një gol mjaft të bukur në minutën e 69’. Duke ruajtur pathyeshmërinë e Legias në kampionatin polak.
Lexo edhe:
- VIDEO/ 2023-shi ngjyroset zikaltër, Interi fiton derbin me ‘manita’
- VIDEO/ Muçolli i pandalshëm, i dhuron fitores e radhës Goteborgut
- VIDEO/ City nuk ndalet, super Brighton Në “Old Trafford”! Triumf i çmendur i Tottenhamit
- Shqipëri-Çeki, “avullojnë” biletat e “Air Albania”… “Sold Out” edhe Partizani-Egnatia
Nuk mungoi as një shfryrje me të shara në shqip nga ana e sulmuesit në momentin e festës së golit, teksa nuk dihet se për cilat ishin ato ‘përshëndetje’.
Ky ishte goli i pestë sezonal në të gjithë kompeticionet për 22-vjeçarin. Me Legian që pas 6 ndeshjesh mban vendin e dytë në renditje me 14 pikë, por edhe me dy ndeshje më pak se skuadra kryesuese.
Muçi u grumbullua nga Shqipëria në dy takimet eliminatore të Euro 2024 kundër Çekisë dhe Polonisë, por nuk përfitoi asnjë minutë nga trajneri Sylvinho.
