Një eurogol është shënuar në Argjentinë. Atletico Tucuman është surpriza e kampionatit deri tani. “Gjiganti i Veriut” kryeson kampionatin me 32 pikë të grumbulluara në 15 javët e para.
Skuadra e drejtuar nga Lucas Pusineri fitoi 4-0 në shtëpi ndaj Barracas Central. Goli i katërt u realizua në minutat shtesë të takimit dhe ishte shumë i bukur.
Mateo Coronel pa daljen e portierit kundërshtar dhe lëshoi një goditje të çmendur nga rreth 70 metra, duke iu dhuruar tifozëve një eurogol që vulosi suksesin me “poker”.
Goli i sulmuesit 23-vjeçar argjentinas, pritet të jetë një nga kandidatët për fitimin e trofeut Puskas, që jepet çdo vit për golin më të bukur të shënuar.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
