Erion Hoxhallari ishte protagonist kryesor në fitoren e skuadrës së UTA Arad në Rumani teksa mbrojtësi shënoi golin e parë në suksesin 0-2 ndaj Miovenit. 27-vjeçari realizoi me kokë pas një goditje këndi në minutën e 63-të teksa ish-lojtari i Tiranës ishte në vendin dhe momentin e duhur duke shfrytëzuar edhe një dalje të gabuar të portierit kundërshtar.
Për Hoxhallarin ishte goli i parë në Rumani me fanellën e UTA Arad, teksa mbrojtësi është shndërruar në një element me shumë rëndësi për rumunët dhe në këtë sezon është aktivizuar në 24 ndeshje. Pjesë e UTA Arad në këtë sfidë ishte edhe një tjetër ish-lojtar i Tiranës si Idriz Batha teksa mesfushori u aktivizua në minutën e 46-të të pjesës së dytë.
Lexo edhe:
- Ndryshime në kombëtaret e moshave/ Largohet trajneri i njohur, Bulku rritet në detyrë
- Tragjedi në Juventus-Sevilla, tifozi ndërron jetë në stadium
- VIDEO/ Tjetër gol në Ukrainë, Seferi “nderon” Vorsklan
- Refuzojnë fanellat me ylber, 5 titullarë trajnerit: Mos na llogarit për ndeshje!
Për UTA Arad, goli i Hoxhallarit është me shumë peshë pasi ky trepikësh e ndihmon tejmase skuadrën në garën për mbijetesë. Kujtojmë se UTA Arad është pjesë e grupit të ekipeve që rrezikojnë rënien një kategori më poshtë dhe aktualisht gjenden në vendin e 13-të me 25 pikë.
