Duhej të ishte një miqësore normale ajo mes Almerias dhe skuadrës së Hearts of Midlothian me të dyja ekipet që luanin në fushën stërvitore të Marbellas. Por, teksa luhej minuta e 39-të, një sherr nisi në fushë me lojtarët e të dyja palëve që u përfshinë ndërsa nuk munguan grushtet duke e shndërruar impiantin sportiv në një arenë të vërtetë boksi.
Arbitri duke parë situatën e vështirë dhe me nervat që nuk kishin shans të qetësoheshin, vendosi t’i dërgojë të gjithë lojtarët para kohe në dhomat e zhveshjes si dhe të mbyllte përfundimisht ndeshjen, e cila duhej të ishte thjesht një miqësore.