Connect with us

Hi, what are you looking for?

Featured

VIDEO/ Holanda bie te penalltitë, Messi përballë Kroacisë në gjysmëfinale

Argjentina, ashtu si në Botërorin e vitit 2014 e eliminon Holandën në lotarinë e 11-metërshave. Por ndryshe nga tetë vite më parë, Messi me shokë shpërdoruan një avantazh prej dy golash për t’u futur në ankth në minutat e fundit, megjithatë ia dolën të ruanin qetësinë te penalltitë, duke triumfuar 4-3 (koha e rregullt dhe shtesat përfunduan 2-2).

Në Lusail u luajt një ndeshje me shumë emocione, edhe pse fillimi ishte shumë I kujdesshëm nga të dyja skuadrat. Shënoi Molina me asist të Messit në minutën e 35-të, ndërsa “Pleshti” e çoi rezultatin në 2-0 me penallti në të 73-tën. Në fundin e sfidës, Ëeghorst bëri mrekullinë duke realizuar dy gola, të dytin pasi kishte përfunduar edhe koha shtesë.

Gjithsesi, deri në minutën e 122-të nuk u shënuan gola të tjera, ndërsa te goditjet e penalltive për holandezët gabuan që në fillim Van Dijk dhe Berghuis, ndërsa për argjentinasit vetëm Fernandez. Në gjysmëfinale Argjentina do të përballet me Kroacinë.

Holandë – Argjentinë 2-2 (3-4 me 11-m)

Shënues: (Weghorst 83′, 111’/ Molina 34′, Messi 73′ 11-m)

Goditjet e penalltive:

Holanda 3          Argjentina 4

Van Dijk –            Messi +

Berghuis –           Paredes +

Koopmeiners +  Montiel +

Weghorst +        Fernandez –

Luuk de Jong +   Lautaro +

 111′ – Mrekulli e Holandës përtej kohës shtesë, Weghorst barazon rezultatin, Messi me shokë në stres, 2-2.

88′ – Momente tensioni në fushë, Van Dijk ndëshkohet me të verdhë.

83′ – I sapofutur në fush, Wegorst shënonme kokë, ndizen shpresat e Holandës.

73′ – Një penallti e shkaktuar me naivitet nga Dumfiries i jep mundësi Messit të dyfishojë rezultatin, Holandës i duhet një mrekulli. 

34′ – Zhbllokohet sfida e “Lusail Stadium”, Messi nxjerr përballë portierit me një asist perfekt Molinën, që nuk gabon, 0-1.

Holanda dhe Argjentina me më të mirët në fushën në përplasjen e dytë çerekfinale të Kupës së Botës, “Katar 2022”. Eksperti i “tulipanëve”, Louis van Gaal, besnik i rreshtimit 3-5-1-2, i beson në vijën e parë të sulmit dyshes Bergwijn – Gakpo. Nuk ndryshojnë repartet e tjera me Timber-Van Dijk-Ake në mbrojtje, ndërsa në mesfushën me pesë rreshtohen Dumfries e Blind, ndërsa në qendër De Jong,  De Roon dhe Depay, me këtë të fundit pas dyshesh sulmuese.

Edhe formacioni i Argjentinës nuk pëson ndryshime nga ndeshja paraardhëse, me Messin pikë referimi në sulm.

 

Lajme të tjera

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Segunda Division

Myrto Uzuni rikthehet vrullshëm. Pas dy ndeshjes mungesë për shkak dëmtimi, sulmuesi i Kombëtares Shqiptare është rikthyer titullar në sfidën Granada-Andorra dhe ka shënuar...

Eliminatore

Pasi mbylli aventurën me Portugalinë, tashmë trajneri Fernando Santos është prezantuar te Polonia. Tekniku portugez do ë provojë të polakët në Europianin e vitit...

Futboll

El Mundo Deportivo ka zbuluar një prapaskenë interesante që ka lidhje me Cristiano Ronaldon dhe Leo Messin. Sulmuesi portugez ishte ende pjesë e Real...