Connect with us

Hi, what are you looking for?

Featured

VIDEO/ Holanda nuk bind, ndaj Ekuadorit e shpëtojnë traversa e arbitri

I duhej një tjetër fitore, për të siguruar kualifikimin në fazën tjetër, megjithatë Holanda nuk ia ka dalë të shkojë përtej barazimit 1-1 ndaj Ekuadorit, duke lënë të hapur gjithçka në grup.

“Tulipanët” e nisën vrullshëm ndeshjen dhe morën avantazhin që në minutën e 5-të me anë të Gakpo, i njëjti që shënoi gol edhe ndaj Senegalit, megjithatë vetëm kaq, pasi amerikano-latinët erdhën vazhdimisht në rritje.

Pas disa mundësive, Ekuadori ia doli të shënojë në shtesën e pjesës së parë, por goli u anulua për një pozicion jashtë loje të një ekuadoriani, i cili nuk preku topin, por ishte para rrezes së portierit.

Megjithatë festa e ekuadorianëve nuk mund të ndalej më në fillim të pjesës së dytë, teksa pas grushtimit të Noppert, Enner Valencia ishte në vendin e duhur për ta shtyrë në rrjetë dhe për të shënuar golin e tretë që e bën golashënuesin më të mirë ët Botërorit deri tani.

Pak minuta më vonë Ekuadori iu afrua edhe golit të fitores, por këtë herë traversa i mohoi përmbysjen e madhe, teksa vlen të theksohet se ndonëse me 4 pikë, Holanda nuk bind pas dy ndeshjeve të para.

Holandë – Ekuador 1-1 (Gakpo 6’/ Valencia 49′)

59’ – Pranë përmbysjes Ekuadori. Pasnjë zbritjeje të shpejtë, Gonzalo Plata godet bukur, pot topi përplaset në traversë dhe më pas largohet nga mbrojtja holandeze.

 

49’ – Goooool. Pasi mbylli pjesën e parë me një gol të anuluar, Ekuadori e nis edhe të dytën me gol, këtë herë të rregullt, duke rikthyer baraspeshën. Enner Valencia është njeriu-gol i ekuadorianëve, pasi u gjet në vendin e duhur për të shtyrë në rrjetë një top të grushtuar nga portieri holandez.

 

45′ + 3 – Ekuadori gjen golin e barazimit, por festa zgjat vetëm pak sekonda, pasi anulohet. Një futbollist ekuadorian në pozicion jashtë loje, ishte në rrezen e portierit dhe për arbitrat goli nuk vlen, pavarësisht protestave…

6’ – Gooooool. Gakpo shënon një supergol dhe i jep avantazhin Holandës. Sulmuesi lëshoi një goditje fantastike nga distanca, duke gjetur golin e dytë në po kaq ndeshje në Katar 2022.

Dy skuadrat siguruan fitore në duelet e para në grupin A, ndërkohë që trajnerët kanë përzgjedhur formacionet për takimin që nis në orën 17:00. Van Gaal ka bërë tri ndryshime në 11-n titullare krahasuar me takimin ndaj Senegalit.

Matthijs De Ligt ka përfunduar në stol. “Gjenerali” ka preferuar Jurrien Timber, 21-vjeçarin e Ajaxit, në vend të mbrojtësit të Bayern Munchen. Pankinë edhe për Vincent Janssen, ndërkohë që është spostuar Cody Gakpo në sulm. Ylli i PSV-së formon dyshen ofensive me Steven Bergwijn.

Një fanellë titullari ka përfituar në mesfushë edhe Teun Koopmeiners i Atalantës, i cili ka ulur në pankinë Steven Berghuis, 30-vjeçarin e Ajaxit.

FORMACIONET ZYRTARE

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...