Italia triumfoi 0-2 në Budapest përballë Hungarisë dhe siguroi kalimin në “Final Four” në Nations League, aty ku i bashkohet Holandës dhe Kroacisë. Giacomo Raspadori në pjesën e parë dhe Federico Di Marco në fraksionin e dytë të takimit, shënuan golat e fitores për kombëtaren e kaltër të Roberto Mancinit. Për t’u shënuar një pritje e trefishtë e jashtëzakonshme e Gigio Donnarummës në minutën e 50′.
Dueli tjetër i Grupit 3 të Ligës A, ishte spektakolar. Anglia dhe Gjermania e mbyllën në barazim 3-3 përballjen mes tyre, me gjashtë golat që u realizuan në pjesën e dytë. “Pancerat” kaluan në avantazh të dyfishtë falë penalltisë së Ilkay Gundogan dhe eurogolit të Kai Havertz, me Harry Maguire që kreu gafa në dy rastet.
Vendasit u zgjuan dhe përmbysën gjithçka falë rrjetave të Luke Shaw, Mason Mount dhe Harry Kane (penallti), por një gafë e portierit Pope i dhuroi golin e dytë Havertz dhe barazimin skuadrës së Hansi Flick. Anglia e mbylli në vend të fundit, duke zbritur në Ligën B.
Nations League
Grupi 3, Liga A
HUNGARI-ITALI 0-2 (Raspadori 27′, Dimarco 52′)
ANGLI-GJERMANI 3-3 (Shaw 72′, Mount 75′. Kane (pen) 84′ / Gundogan (pen) 52′, Havertz 67′, 87′)
Grupi 3, Liga B
RUMANI-BOSNJE 4-1 (Man 38′, Puscas 73′, Ratiu 79′, Puscas 86′ / Dzeko 77′)
MALI I ZI-FINLANDË 0-2 (Antman 47′, Kallman 53′)
Grupi 4, Liga C
MAQEDONIA E VERIUT-BULLGARI 0-1 (Despodov 50′)
GJIBRALTAR-GJEORGJI 1-2 (Annesley 75′ / Kvaratskhelia (pen) 19′, Tsitaishvili 48′)
Grupi 2, Liga D
SAN MARINO-ESTONI 0-4(Anier 38′, 80′, Teniste 56′, Sappinen 66′)
