Sassuolo-Juventus rezultoi një ndeshje shumë e luftuar, por në fund sfida u vendos nga gafat dhe autogolat.
Ekipi ku luan mesfushori i kombëtares shqiptare, Nedim Bajrami, fitoi me rezultatin 4-2.
Lexo edhe:
- Partizani-Tirana në “Air Albania”, derbi shtyhet me 23 ditë
- “E duam kapiten”, Lecce ëndërron, Ramadani “mbreti” i mesfushës
- “Dritë në fund të tunelit”, Pochettino jep lajmin e madh për Brojën
- “Gjest i madh, Onana tregoi personalitet”, Ten Hag e merr në mbrojtje
Takimi u zhbllokua që në minutën e 12’ me Lauriente që gjeti golin pas një gafe të Szczesnyt.
Megjithatë në minutën e 21’ Juventus barazoi dhe barazimin ekipit të miqve ua dhuroi një lojtar i Sassuolos, me Vinan që bëri autogol.
Megjithatë në minutën e 41’ Berardi gjeti rrugën drejt rrjetës dhe riktheu avantazhin te skuadra e tij, duke bërë që pjesa e parë të mbyllej me rezultatin 2-1.
Juventus tentoi të reagojë dhe në minutën e 78’ Chiesa i dhuroi barazimin ekipit të tij.
Vetëm katër minuta më pas, Pinamonti shënoi një super gol dhe kaloi sërish Sassuolon në avantazh.
Në fund ndeshja u vendos nga një autogol i Gattit në minutën e 90+5’, me lojtarin e Juves që i dhuroi rezultatin 4-2 skuadrës së Sassuolos.
Pas këtij takimi Sassuolo renditet në vend të 11-të me gjashtë pikë, teksa Juventus, që pësoi humbjen e parë të këtij sezoni, renditet në vend të katërt me dhjetë pikë.
Sassuolo zhbllokon sfidën në minutën 12’ me Lauriente që gjeti rrugën drejt rrjetës pas gafës së Szczesny.
Autogoli i Vinas në minutën e 21′ i jep barazimin Juventusit.
Sassuolo rimerr avantazhi, Berardi realizon në minutën e 41′ për vendasit.
Juventus gjen barazimin, Chiesa realizon golin e dytë për ekipin e tij në minutën e 78′.
Sassuolo kalon sërish në avantazh, Pinamonti realizon një super gol në minutën e 82′.
Autogoli i vitit, Gatti shtang Szczesnyn në minutën e 90+5′.
