Union Berlin do të marrë pjesë në fazën e grupeve të Champions League edicionin e ardhshëm. Kryeqytetasit ia dolën me sukses të fitonin edhe në përballjen e javës së fundit ndaj Werder Bremen (1-0). Unioni kurorëzoi një edicion spektakolar, duke qenë forca e katërt e kampionatit gjerman.
Goli i kapitenit Rani Khedira (81′) i mjaftoi Unionit për të siguruar 3 pikët që e mbajnë në vendin e katërt, ndërkohë që Freiburgu u mund me përmbysje nga Eintracht Frankfurt (2-1) dhe e mbyll sezonin në vendin e pestë.
Vendi i gjashtë shkon për Bayer Leverkusen. Edhe pse u mund nga Bochum 3-0, “Aspiriniat” siguruan një biletë për në Europa League edicionin e ardhshëm, ndërsa vendasit festuan qëndrimin në Bundesliga.
VIDEO/ 11 tituj radhazi, Bayerni fiton më të bukurin! Dortmundi në lot
Lexo edhe:
- “Old Trafford” një fortesë, vetëm skuadra e Ferguson më mirë se ajo e Ten Hag
- Reagon Tirana: U thyen shumë zemra, u vodh shpirti i tifozëve!
- Sulmuesi i pezulluar prej basteve, trajneri: Edhe në burg lejohen kontaktet me jashtë!
- “E vështirë ta lexosh Guardiolën”, mesfushori: Çfarë m’u desh që kalova te City
Drama ndodhi në “Red Bull Arena”, aty ku Schalke u mund 4-2 nga Leipzigu dhe edicionin e ardhshëm do të luajë një kategori më poshtë. “Blutë Mbretërorë”, edhe pse 10 minuta para fundit po barazonin 2-2, golat e Poulsen dhe Nkunku u dhanë një shuplakë! Schalke në vendin e parafundit, duke shoqëruar Hertha Berlin një kategori më poshtë.
Nkunku, me dy golat e shënuar në këtë ndeshje shkon në kuotën e 16 realizimeve, në të njëjtën kuotën me Fullkrug e Werder Bremen. Francezi ka shënuar më pak gola me 11 metërsh dhe është fituesi i Këpucës së Artë. Stuttgart barazoi 1-1 me Hoffenheim në përballjen e luajtur në shtëpi.
Tani do i duhet që të luajë në ndeshjen play-off për qëndrimin në elitë, ndërkohë që Augsburgu iu fal pikërisht këtij barazimi. Pasi edhe pse u mund nga Borussia Monchengladbach (2-0) evitoni rënien në Bundesliga 2.
