21 minuta ka rezistuar Spezia në “San Siro” përballë Milanit. Kuqezinjtë kaluan në avantazh me anë të kapitenit Theo Hernandez, i cili shfrytëzoi një asist fantastik të algjerianit Bennacer.
Anësori i majtë stopoi bukur topin dhe e dërgoi atë në rrjetë, duke ndezur festën e tifozëve të pranishëm në stadium. Milani kërkon të rikthehet te fitorja në kampionat pas humbjes ndaj Torinos.
Kampionët në fuqi i humbën të dy përballjet e sezonit të kaluar ndaj Spezias, ndërkohë që Theo Hernandez gjeti golin e dytë sezonal në Serie A (numëron edhe dy asiste).