Valencia-Almeria përfundoi në barazim 2-2, rezultat që gëzoi më shumë skuadrën udhëtuese. Edhe pse kaluan dy herë në avantazh, djemtë e Gennaro Gattusos morën vetëm një pikë në fund, duke regjistruar ndeshjen e tretë radhazi pa fitore në La Liga.
Almeria humbi një penallti në minutën e 44’, me belgun Largie Ramazani që dështoi nga pika e bardhë. Pjesa e parë u mbyll pa gola, ndërsa e dyta ishte plot emocione. Justin Kluivert kaloi vendasit në avantazh (48’).
Almeria reagoi dhe riktheu baraspeshën gjashtë minuta më vonë falë një goditjeje me kokë të Chumi. Valencia u rikthyer në avantazh në minutën e 65’ nëpërmjet golit të kapitenit Jose Gaya.
Gjithsesi, skuadra e Gattusos nuk e ruajti avantazhin. Një gafë fatale në mbrojtje 16 minuta përpara fundit u shfrytëzua nga Francisco Portillo, i cili dërgoi topin në rrjetë dhe evitoi humbjen e ekipit të tij.
