Bundesliga 2

VIDEO/ Klubi i njohur rikthehet në Bundesligë, tifozët japin spektakël në fushë

Pas Schalke 04, një tjetër emër i madh siguron biletën për t’u rikthyer ne Bundesligë sezonin e ardhshëm. Bëhet fjalë për Werder Bremen, qe kishte nevojë vetëm për një pikë në ndeshjen ndaj Regensburgut, por mori tre të tilla falë fitores 2-0 dhe siguroi ngjitjen në elitën e futbollit gjerman.

Menjëherë pas vërshëllimës finale, tifozët vendas pushtuan fushën për të festuar me futbollistët, ndërsa entuziazmi zgjati për orë të tëra edhe në rrugët e qytetit.

Ndërkohë vetëm në vendin e tretë mbeti një tjetër klub i madh gjerman, Hamburgu, që ka ende shanse për të provuar rikthimin në Bundesligë, pasi do të luajë Play Off-in ndaj Herthës se Berlinit për të përcaktuar se kush do të garojë në elitë sezonin e ardhshëm.

Kujtojmë që Bundesliga 1 u mbyll të shtunën, me Arminia Bielefeld e Grethuer Furth që ranë një kategori më poshtë, për t’u zëvendësuar pikërisht nga Schalke 04 dhe Werder Bremen.

Të Fundit

EVENTET NË SUPERSPORT

To Top
Evolve Web Agency Evolve Web Agency