Kombëtarja e Shqipërisë ka nisur prej orës 16:30 seancën e parë stërvitore nën drejtimin e Sylvinhos. Trajneri brazilian do të debutojë në stolin kuqezi në takimin ndaj Polonisë.
Kuqezinjtë luajnë në Varshavë ndeshjen e parë të fazës eliminatore të Euro 2024 (27 mars), përballje që do të transmetohet në SuperSport prej orës 20:45.
Skuadra kombëtare ka nisur seancën e parë stërvitore në “Shtëpinë e Futbollit”. Në një lidhje direkte me SportNews, Jurgen Zela, gazetari i SuperSport, raportoi lajmet e fundit nga Kombëtarja.
Të pranishëm për të ndjekur stërvitjen janë të pranishëm të gjithë krerët e lartë të FSHF-së, mes tyre edhe presidenti Armand Duka.
Elseid Hysaj, Marash Kumbulla, Ivan Balliu dhe Enea Mihaj ishin lojtarët e fundit që iu bashkuan grumbullimit. Ky i fundit zëvendëson në prapavijë Ardian Ismajlin e dëmtuar.
Stafi teknik me në krye Sylvinhon, u paraqitën në fushat e “Shtëpisë së Futbollit” rreth një orë përpara nisjes së seancës stërvitore.
Lexo edhe:
- Cikalleshi: Ndeshja më e vështirë me Poloninë, të mësojmë nga e shkuara
- “Pse sheh?” Mourinho sherr me presidentin e Lazios, Lotito: Po ti kush je?
- Ish-arbitri sulmon VAR-in: Vendosi ndeshjen Inter-Juve, duhet të mbajnë përgjegjësi
- “Xhaka është treguar fenomenal”, Arteta: I thashë se do të shënonte
Kombëtarja do të zhvilloje dy seanca stërvitore në ditën e martë. E para do të zhvillohet në orën 11:00, ndërsa e dyta në orën 15:30.
PROGRAMI I
E HËNË, 20 mars 2023
- Konferencë për median e dy lojtarëve të Kombëtares në Shtëpinë e Futbollit, ORA 13:00
- Seanca stërvitore e Kombëtares, ORA 16:30
(E HAPUR VETËM 15 MINUTAT E PARA PËR MEDIAT)
E MARTË, 21 mars 2023
- Seanca stërvitore e Kombëtares, ORA 11:00.
- Seanca stërvitore e Kombëtares, ORA 15:30.
(TË DYJA SEANCAT TË HAPURA VETËM 15 MINUTAT E PARA PËR MEDIAT)
E MËRKURË, 22 mars 2023
- Konferencë për median e dy lojtarëve të Kombëtares në Shtëpinë e Futbollit, ORA 13:00
- Seanca stërvitore e Kombëtares, ORA 16:00
(E HAPUR VETËM 15 MINUTAT E PARA PËR MEDIAT)
E ENJTE, 23 mars 2023
- Seanca stërvitore e Kombëtares, ORA 10:00
(E HAPUR VETËM 15 MINUTAT E PARA PËR MEDIAT)
- Seanca stërvitore e Kombëtares, ORA 18:00
(ME DYER TË MBYLLURA)
E PREMTE, 24 mars 2023
- Konferencë për median e dy lojtarëve të Kombëtares në Shtëpinë e Futbollit, ORA 13:00.
- Seanca stërvitore e Kombëtares, ORA 16:00.
(E HAPUR VETËM 15 MINUTAT E PARA PËR MEDIAT)
E shtunë, 25 mars 2023
- Seanca stërvitore e Kombëtares, ORA 16:00.
(ME DYER TË MBYLLURA)
E DIEL, 26 mars 2023
- Nisja për në Aerportin Nënë Tereza, ORA 09:00
- Mbërritja në Varshavë, ORA 12:00.
- Konferenca zyrtare e trajnerit Silvinjo në stadiumin PGE Narodowy, ORA 17:15
- Stërvitja zyrtare në stadiumin PGE Narodowy, ORA 18:00
(E HAPUR VETËM 15 MINUTAT E PARA PËR MEDIAT)
E HËNË, 27 mars 2023
- POLONI-SHQIPËRI, ORA 20:45, në stadiumin PGE Narodowy, Varshavë.
